Animaliak Identifikatzeko Ikastaroa

Maiatzaren 27an animaliak identifikatzeko tailer bat ospatuko da Laboratorium museoan, Aranzadi Zientzia Elkartearen eskutik. Helburua da animalia hauen identifikazioa erraztea, bide batez “ornito.eus” plataforma jakitera eman eta bolondres potentzialak formatzea. 

Mendizaletasuna eta Gizartea

Maiatzaren 18an, 18:30etan erakusketa inaguratuko dugu. Abuztuaren 27 arte egongo da.

 

Mendizaletasuna Euskal Herrian fenomeno sozial bat izan dela –eta oraindik izaten jarraitzen duela- ezin da ukatu. Gasteizen eta Iruñean mendi taldeak sortu ziren XX. mendearen hasieran eta zer esanik ez Bizkaian eta Gipuzkoan. Azken honetan ia herri bakoitzean mendi talde bat eratu zen, eta hainbat herritan bat baino gehiago. Bergarak bete betean parte hartu zuen mugimendu honetan eta duela 75 urte herrian “Pol-Pol Mendizale Taldea” sortu zuten.

 

Conferencia el día 4 de enero sobre el proceso de creación de la exposición "Ikimilikilikli" a las 18:30

La exposición Ikimilikiliklik que puede visitarse en el museo Laboratorium de Bergara hasta el día 8 de enero, fue realizada por dos directores. El miércoles día 4 de enero, uno de ellos, Alberto Lizarralde disertará a cerca del proceso de producción de dicha exposición (conferencia en castellano) en el museo Laboratorium de Bergara.

Txangoa Arabara (Urtarrilaren 3an)

Urtarrilaren 3an (asteartean) Arabako Natur Zientzien Museoa  eta Mendixur Parke Ornitologikoa ezagutzeko txangoa antolatzen dugu,  Mendia Bizirik Pol-Pol taldearekin elkarlanean. Txangoan helduek eta haurrek eman dezakete izena, familia giroan egiteko egokia izango da. 18 urte artekoak bete beharko dute gurasoen baimen orria eta 16 urte artekoak gainera heldu batekin batera joan beharko dira ezinbestean. Baimen orria museoko harreran egongo da eskuragarri. 

Argazkia: P. Trimming

Ugaztunak ezagutzeko tailerra (abenduak 30)

Laboratorium museoak, Mendia Bizirik Pol-Pol taldearekin elkarlanean, Bergarako eta Euskal Herriko ugaztunak ezagutzeko tailerra antolatu du abenduak 30erako: Errekaldeko lorategian bizi diren animalien lorratzak ezagutzeko ibilbidea, saguzarren babeserako kutxak eta katagorrien janlekuak lorategiko zuhaitzetan jartzea, eta museoko bildumako hainbat ugaztun ezagutu ondoren, hauen igeltsuzko oinatzak egiteko tailerra. Jarduerak Errekalde jauregiko lorategian eta museoko laborategian burutuko dira eta saioak 3 ordu inguru iraungo du. Hasiera ordua: 10:30etan.

Familientzako fisika eta kimika tailerra abenduaren 27an

Abenduaren 27an, Gabonetako programaren barruan, Laboratorium museoak Manu Hernández dibulgatzaile zientifiko ezaguna ekarriko du Bergarara. Dibulgatzaile honek, iaz moduan, publiko orokorrari zuzendutako ekitaldi zientifiko interesgarria eskainiko du. Animatu zaitez eta izena eman gure agendan!!!!

 

Hitzaldia"Benito Lertxundi eta Ez dok Amairu" Imanol Artolaren eskutik abenduaren 21ean

Imanol Artola 27 urteko amezketarra da. 2011an lizentziatu zen Filosofian EHUn eta urte hartan bertan ekin zion sozio-politikako masterra ikasteri EHUn bertan: Euskal Nazionalismoa XXI. mendean. Master Amaierako Lanean, euskal nazioaren eraikuntzaren bilakaera aztertu zuen, Benito Lertxundiren kantagintzan oinarrituz. Benito Lertxundiren kantagintzaren bilakaerak ematen al du garai sozio-politikoaren aldaketen berri? Galdera horri erantzuten ahalegindu zen lan horrek Mikel Laboa Katedraren beka jaso zuen eta harrezkero hainbat eta hainbat hitzaldi ematen dihardu.

Hitzaldia "Ez dok Amairu: komunitatea,helburu" Laboratorium museoan abenduaren 14ean, arratsaldeko 7retan

"Ikimilikiliklik" erakusketaren barruan, abenduaren 14ean, arratsaldeko 7retan, Ana Gandarak "Ez dok Amairu:komunitatea helburu" izeneko hitzaldia emango du Bergarako Laboratorium Museoan. Ana Gandara Literatura Konparatuan eta Literatur Ikasketetan doktorea da. Egun EHUko irakaslea da. Mikel Laboa Katedrarekin hainbat kolaborazio egin ditu eta euskal kultura, literatura eta errealitate sinbolikoa ikertzen dihardu. 2015ean, “Euskal ondare kulturalaren moldatzea (1960-1990), egungo kultur sistemaren oinarri. Baliabide eta forma sinbolikoak” izeneko tesia defendatu du.

Orriak