Doan bisitatu ahal izango dute bergararrek Laboratorium Museoa
Egunotan familia-bonua jasoko dute bergararrek postontzian, Laboratorim Museoa doan bisitatu ahal izateko. Pandemiaren eraginez mugikortasuna murriztuta, aukera paregabea da herrian bertan ditugun kultura eskaintzez, azpiegiturez... gozatzeko.
Javier Tejada energiaz eta adimen artifizialaz arituko da urriaren 14an Seminarixoan
Urriaren 14an, asteazkena, Javier Tejadak 'Energia eta adimen artifiziala: bilakaera eta etorkizuna' hitzaldia egingo du Seminarixoan, 10:00etatik 11:30era, gaztelaniaz, ZTBren (Zientzia Teknologia eta Berrikuntza) jardunaldien barruan. Aforoa mugatua izango da. Baina, horrez gain, aukera izango da hitzaldia Udaleko youtube kanalean eta ZTBren webgunean zuzenean ikusteko.
Taula periodikoaren erakusketa urriaren 12an bukatuko da
Oraindik ikusi ez dituzu ikusi Elhuyar anaien espioitza istorioak? Elementu kimikoen oparotasun taula deigarria? Gure sakelako telefonoetan aurki daitezkeen osagaiak? Ez duzu jokatu elementuen kutxatxoekin? Orduan azkar ibili behar zara, "TAULA PERIODIKOA: unibertsoa osatzen duten elementuak" urriaren 12an itxiko delako.
Hemen informazio gahiago aurkituko duzu aldi baterako erakusketa honen inguruan.
ZTB 2020 jardunaldiak hasi dira
2020ko ZTB jardunaldien abiapuntua Landareen Osasunaren Nazioarteko Urtearekin lotuta dago; hala zegoen aurreikusita. Baina, beste gauza asko bezala, Covid19k guztia irauli du. Hortaz, aurtengo programan uztartuko dira landareen osasunarekin lotutako adar asko, baina baita ere Covid19ri aurre egiteko prestakuntza, besteak beste.
Covid19arekin eta digitalizazioarekin lotuta uztailean merkatariei zuzendutako bi ikastaro eskainiko dira; eta landareekin eta osasunarekin lotutako hainbat tailer eta hitzaldi.
Laboratorium Hamaika Telebistan
Museoen Nazioarteko Eguna 2020
Museon Egun berezi honetan, zuei museoa ireki nahi dizuegu medio digitalen bidez eta gure bildumako bi pieza erakutsi: Meridianoen aparatua eta Eduardo Rosalesen erretratu bat.
Gustatuko zaizkizuela espero dugu.
Udal ondarearen lau piezen kontserbazio lanak
Egun hauetan , Artez Restauración enpresaseko zaharberritzaileak ditugu museoan. Hasteko, XVII mendeko Santa Barbararen irudian finkatze tratamendua aplikatzen ari da pintura eror ez dadin. Baina hori ez da interbentzio bakarra izango; guztira, lau eskulturetan aplikatuko dituzte tratamenduak. Mantentze lan hauek ohikoak dira edozein meuseotan, eta gurean, Udalaren ondarearen parte garrantzitsua gordetzen da.
Taula periodikoaren erakusketa luzatu dugu
"Taula periodikoa: Unibertsoa osatzen duten elementuak" erakusketa luzatu dugu apirilaren 24 arte. Honi esker, Aste Santuan ere ikusgai izango da. Bergararra izanik, oraindik ikusi ez baduzu, edo Bergarara bazatoz bisitan, ez zalantzarik egin: harrituko zaitugu.
Erakusketa honen inguruko informazioa hemen ikus dezakezu.
Energia Iruñera
"Energia: guzti-guztiaren jatorria eta amaiera" erakusketa antolatu zuen Laboratorium Bergara museoak iaz, eta gure aretoan egon zen 2019ko urtarriletik maiatzera. Orain, erakusketa hau Nafarroara joan da eta hor egongo da ikusgai 2020ko otsailaren 2tik martxoaren 28 arte, CIVICAN fundazioak duen egoitzan: Iruñeko Pio XII hiribidea, 2.
Erakunde askok parte hartu dute antolaketan eta laguntzaile moduan, tartean, Bergarako Udala ere bai.
UPV-EHUko Filosofia, Zientzia eta Balioak Mastergaiak Laboratoriumen
Euskal Herriko master ikasle hauek, filosofiaren alor nagusiak aztertzen dituzte, hala filosofia praktikoa nola epistemologia eta zientziaren historia. Eta aldi berean, oinarrizko ikerkuntza eta zientziari eta teknologiari buruzko azterketa sozialen (ESCT) ikerkuntza aplikatua konbinatzen dituzte.
Bada, aurreko astean egin ziguten bisita eta ikasitakoarekin hausnarketa egin zuten taldean. Guk pozik jaso genituen.